"Hazırda vəziyyətim çox pisdir, maddi imkanım acınacaqlıdır..."
Bu gün, 12:20
Ucar rayonu, Oğuz küçə sakini Əliyev Kənan Yusifəli oğlu tərəfindən Hurriyyet.az saytının redaksiyasına şikayət məktubu daxil. Şikayətçi iddia edir ki, onu DOST mərkəzindən qanunsuz olaraq işdən çıxarıblar:
“Mən, Əliyev Kənan Yusifəli oğlu, yazaraq bildirirəm ki, müqaviləm bitdiyi üçün məni DOST mərkəzindən uzaqlaşdırdılar. Yenidən müraciət etməyimə isə imkan vermədilər.
Qeyd edim ki, məni 29.11.2024-ci il tarixində DOST İş Mərkəzindən işdən azad ediblər. İki azyaşlı övladım var, kirayədə yaşayıram. Başqa yerdən gəlirim yoxdur. Ordan aldığım əmək haqqı ilə ailəmi dolandırırdım. Hazırda vəziyyətim çox pisdir, maddi imkanım acınacaqlıdır.
Məsələ ilə bağlı bir çox qurumlara yazmışam. Lakin heç bir köməklik olunmadı. Müqaviləm bitib deyə, məni qanunsuz yerə işdən uzaqlaşdırdılar.
Mən sizin sayt vasitəsilə səlahiyyətli qurumlardan xahiş edirəm, mənə kömək edin, bir işlə təmin olunum”.
Geri qayıt