Azərbaycanda heç bir sahədə qadınlar kişilərdən yüksək maaş almır
Dünən, 15:28
Azərbaycanda qadınların aldığı əmək haqqı kişilərin aldığı əmək haqqından 31,2% azdır.
Yeniavaz.com Dövlət Statistika Komitəsindən açıqlanan sonuncu statistik göstəricilərə istinadən xəbər verir ki, Azərbaycanda muzdla işləyən qadınların orta aylıq əmək haqqı 735,7 manat, kişilərin orta aylıq əmək haqqı isə 1 069,3 manat olub.
Açıqlanan məlumatlardan belə görünür ki, iqtisadiyyatın heç bir sahəsində qadınlar kişlərdən yüksək maaş almırlar.
Qeyd edək ki, ən kəskin fərq peşə, elm və texniki fəaliyət sahəsində işləyənlərin əmək haqqında müşahidə olunub. Bu sahələrdə işləyən qadınların orta aylıq əmək haqqı 1032,7 manat olduğu halda, kişilərin orta aylıq əmək haqqı 2 001,2 manat olub. Qadınların maaşı kişilərin maaşından təxminən 2 dəfə az olub.
Maaşlar arasındakı ən az fərq isə təhsil sahəsində qeydə alınıb. Təhsil sahəsində işlənən qadınlarn orta aylıq əmək haqqı 684,5 manat, kişilərin orta aylıq əmək haqqı isə 793,8 manat olub. Kişilərin maaşı qadınların maaşından 13,8% çox olub.
Geri qayıt