Aİ ölkələrinin hamısı Trampa qarşı çıxdı
Bu gün, 11:12
Avropa İttifaqına (Aİ) üzv olan bütün ölkələr Brüsseldə keçirilən qeyri-rəsmi sammit zamanı Danimarkanın ərazi bütövlüyünün qorunmasının vacibliyini qeyd ediblər.
Bu barədə Avropa İttifaqı Şurasının prezidenti Antonio Kosta sammitdən sonra keçirilən mətbuat konfransında məlumat verib.
O, Aİ-nin ABŞ prezidenti Donald Trampın Qrenlandiya ilə bağlı mövqeyinə münasibətini şərh edərkən deyib: “Danimarkanın ərazi bütövlüyünün qorunması bir deyil, bütün üzv dövlətlər üçün vacibdir. Tramp dəfələrlə bildirib ki, Qrenlandiya ABŞ-yə birləşməlidir. Siyasətçi Danimarkanın adadan imtina etməyəcəyi təqdirdə, onu yüksək ticarət rüsumları tətbiq edəcəyi ilə hədələyir".
Bir neçə gün öncə “Verian” agentliyi Danimarkanın “Berlingske” qəzetinin və "Sermitsiaq" nəşrinin sifarişi ilə "Qrenlandiya böhranı" mövzusunda sorğu keçirmişdi.
Sorğunun nəticələrinə əsasən arenlandiyalıların böyük əksəriyyəti (85%) adanın ABŞ-yə birləşdirilməsinə qarşı çıxıb.
Yalnız 6% Danimarkanın ABŞ-nin tabeliyinə keçməsinin lehinə olub. Respondentlərin 9%-i isə suala cavab verməkdə çətinlik çəkib.
Qeyd edək ki, Tramp yanvarın 7-də bəyan edib ki, Qrenlandiya milli təhlükəsizliyini təmin etmək, eləcə də Çin və Rusiyanın təhdidlərindən qorunmaq üçün ABŞ-nin tərkibinə daxil olmalıdır.
Xatırladaq ki, hələ Trampın ilk prezidentliyi dövründə, 2019-cu ildə Amerika mediası onun Danimarkanın tərkibində olan və geniş muxtariyyət hüquqlarına malik olan Qrenlandiyanı əldə etmək imkanı ilə maraqlandığını yazmışdı. Bundan sonra krallığın səlahiyyətliləri bu fikri absurd adlandıraraq Qrenlandiyanın satışını müzakirə etməkdən imtina etmişdi.
AzVision.az
Geri qayıt