“Baboşa”a maşın hədiyyə edən Emin Hüseynovun vergi borcu artır
Dünən, 16:31
Bir müddət əvvəl tiktoker “Baboş”a son model “Range Rover” hədiyyə etməsi ilə gündəmə gələn
“Quseynoff” MMC-nin qanuni təmsilçisi Hüseynov Emin Zahid oğlunun vergi borcu yaranıb.
Tribunainfo.az xəbər verir ki, “Quseynoff” MMC-nin dövlətə olan borcunun daha da artdığı məlum olub. Belə ki, şirkətin hazırda dövlətə 173 594 AZN vergi borcu var.
Bir müddət əvvəl isə bu məbləğ 166 105 AZN idi.
Xatırladaq ki, vergi borcu olan “Quseynoff” MMC rəhbəri Hüseynov Emin tiktoker kimi məşhurlaşan “Baboş”a avtomobil hədiyyə etdikdən sonra məşhurlaşmışdı. E.Hüseynovun şirkəti spirtli içki istehsalı ilə məşğuldur.
Bir müddət öncə AQTA apardığı yoxlama zamanı “Demonn” MMC-nin sifarişi əsasında satışı həyata keçirilən viski məhsulunun qida təhlükəsizliyi qeydiyyatından keçmədən qanunsuz olaraq fəaliyyət göstərən “Quseynoff” MMC-də istehsal etdildiyini müəyyən etmişdi.
Laborator müayinələr nəticəsində “Quseynoff” əmtəə nişanlı viski məhsulunda sivuş yağlarının və mürəkkəb efirlərin kütlə qatılığı üzrə uyğunsuzluq aşkarlanmış, “Organic River” və “Time Vodka” əmtəə nişanlı araq məhsullarında isə tündlülük göstəricisi üzrə etiket məlumatlarında uyğunsuzluq müəyyən olunmuşdu.
Buna əsasən, “Organic River” və “Time Vodka” əmtəə nişanlı araq məhsullarının satışı dayandırılmış, “Quseynoff” əmtəə nişanlı viski məhsulunun satışı qadağan edilmiş və dövriyyədən çıxarılmışdı.
MMC rəhbəri saxta işçi istehsalı ilə məşğul olmaq və “Baboş”a avtomobil hədiyyə etməklə məşhurlaşsa da, bəzən müğənniliklə də məşğul olub. O, ötən ilin martında Canan adlı müğənni ilə mahnı oxumuş və hətta klip də çəkdirmişdi.
Geri qayıt