Nazir Lənkəran müasir penitensiar kompleksinə rəis təyin etdi
19-02-2025, 12:26
Ədliyyə Nazirliyi Penitensiar Xidmətinin Lənkəran müasir penitensiar kompleksinə rəis təyin edilib.
"DİA-AZ"-ın Qaynarinfo-ya istinadən məlumatına görə, ədliyyə naziri Fərid Əhmədovun müvafiq əmri ilə İsgəndərov Babək Əhliman oğlu sözügedən vəzifəyə təyin olunub.
Qeyd edək ki, Babək İsgəndərov bundan əvvəl 12 saylı cəzaçəkmə müəssisəsinin rəisi vəzifəsində çalışıb. Hazırda 12 saylı cəzaçəkmə müəssisəsinin rəis vəzifəsinin əvəzedicisi vəzifəsi rəis müavini Cavid Səfərova tapşırılıb.
Xatıradaq ki, Lənkəranda yeni inşa edilmiş müasir penitensiar kompleksi ötən ilin yanvar ayında istifadəyə verilib.
Geri qayıt