Bir neçə gün əvvəl Rusiya Federasiyasının Ermənistandakı fövqəladə və səlahiyyətli səfiri Sergey Kopırkinin avtomobili iki saata yaxın Serj Sarkisyanın partiyasının mərkəzi ofisinin qarşısında olub.
Publika.az xəbər verir ki, bu barədə “Past” qəzeti mövzunu inkişaf etdirərək yazır.
“Nə partiyanın rəsmi səhifəsində, nə də partiya üzvlərinin səhifələrində səfirin səfəri ilə bağlı məlumat olmadığı üçün “Past” səfirin partiya ofisinə gəlişinin səbəbini öyrənməyə çalışıb. Lakin biz respublikaçılarla səfirin səfərinin məqsədini dəqiqləşdirə bilmədik”, - nəşr qeyd edir.
Qeyd edək ki, daha əvvəl məlumat yayılmışdı ki, Rusiya Ermənistandakı qüvvələrinə təlimat verib, bildirilib ki, Cənubi Qafqazda böyük dəyişiklik gözlənilir və hazırlıq görsünlər.
