İki gündür Naxçıvan şəhəri və ətraf ərazilərdə çörək qıtlığı yaşanır. Buna səbəb bölgənin çörək istehsalında əsas rola malik olan APF Qrup MMC-yə aid Naxçıvan şəhərində yerləşön zavodun işçilərinin kütləvi tətilə başlamasıdır. Onlar ağır iş şərtlərinə və maaşlarının gecikdirilməsinə etiraz olaraq fəaliyyətlərini dayandırdıqlarını elan ediblər.
"DİA-AZ" xatırladır ki, etirazçılardan B.M. „Gündəlik Naxçıvan“a deyir ki, tələbləri yerinə yetirilənə kimi tətili davam etdirəcəklər...
Onu da bildirək ki, keçən həftə yayılan bu xəbərə sosial şəbəkəlırdə birmənalı münasibət olmayıb. Bəziləri xəbərin yalan olduğunu, bəziləri isə doğru olduğunu bildirib. Amma aydın olanı odur ki, həqiqətən da sözügedən çörək istehsalı müəssisəində ciddi böhran və işçilərələ problem var.
Elə bununla bağlı "DİA-AZ" a göndərilən məlumatda da ilginc faktlar açıqlanır. Sözügedən müəssisənin işçilərindən birinin yazdığını təqdim edirik:
"Çörek zavodunda bunları edən Mehman Gülməmədovdur. Niyə bu adam öz işçilərin əskər kimi yanaşır... Bunun da səbəbləri var. Hərbidən gəlib və Nəcməddin Sadıqovun, Kərəm Mustafayevin yaxını hesab olunsa da birbaşa olaraq Vafis Talıbovun kadrıdır.
Keçmiş Al Məclis sədri görünür, hələ də güclüdür ki, onun adamları vəzifədədir.
Mehman Gülməmmədov bu gün işçilərə köləsi kimi baxır. Əmək kitabçası adı ilə bu yaxınlarda hər işçidən 70 manat tutdular. 400 manat maaşın 70 manatına əl qoyurlarsa, yazıq işçi nə ilə dolansın?
Bundan əlavə Mehman Gülməmmədov işçiləri gün ərzində 15 saat işlədir ki, bu da qanunsuzdur. Dövlətimizdən xahiş edirik ki, bütün bunların qarşısı alınsın..."
