Azərbaycanın bir sıra sənət adamı Hindistanla bağlı böyük bir layihəyə imza atır. Bu məqsədlə bir sıra yaradıcı şəxslər bir müddət öncə Hindistana səfər edib və müvafiq sənədlər imzalanıb. Layihədə təmsil olunan teleaparıcı Şəhriyar Əbilov ekrana gələn il çıxarılacaq layihədə bir çox məhşur hind aktyorunun oynuyacağından Gecce.az-a eksklüziv xəbər verdi.
Qeyd edək ki, layihədə Şəhriyar Əbilovla yanaşı rejissor Elxan Çəfərov, rəqqasə Oksana Rəsulova və başqaları yer alıb.
“Getdik həm müqaviləmizi imzaladıq, eyni zamanda əsrarəngiz Bollivudu gəzdik. Bu, böyük bir əməkdaşlıqdır. Hindistanın əl çatmaz ulduzları ilə bir layihədə təmsil olunmaq qürur verir. Nəzərdə tutduğumuz layihə gələn il öz bəhrəsini verəcək”.
Bildirək ki, sözügedən ekran işində Bollivudun məhşur və sevilən aktyorlarından Dxarmendra da rol alacaq. Bu və hələlik açıqlanmayan digər detallar əsrarəngiz layihənin ərsəyə gələcəyindən xəbər verir.
