“Minimum diplomatik imkanlara malik hökumətimiz olmasa, Sünikin (Zəngəzur) bir hissəsi Azərbaycana veriləcək”.
Bu iddia ilə Ermənistanın keçmiş xarici işlər naziri Vardan Oskanyan çıxış edib.
Oskanyan bildirib ki, hakimiyyətin səriştəsizliyinə görə Ermənistanın zəifliyinin daha da dərinləşməsi təhlükəsi yaranıb.
Onun fikrincə, minimal diplomatik imkanlar olmasa, Ermənistan əlavə ərazilər itirəcək.
“Ermənistan demarkasiya prosesində yeni əraziləri Azərbaycana qaytaracaq. Ümumiyyətlə Ermənistanın sərhədləri dəyişəcək, Sünikin (Zəngəzur) bir hissəsi Azərbaycana veriləcək. Bununla yanaşı, konstitusiya dəyişdiriləcək, 300 minə yaxın azərbaycanlı da Ermənistana gələcək”, - o iddia edib.
Oskanyan qeyd edib ki, Ermənistan ağır məğlubiyyətə uğrayıb və hakimiyyətin siyasəti nəticəsində etibarlı müttəfiqi yoxdur. Onun sözlərinə görə, heç bir ölkə Ermənistanı ciddi qəbul etmir.
moderator.az
