Səhiyyədəki həbslər TƏBİB rəhbərliyinə qədər UZANA BİLƏR... - “korona” şəbəkəsinin ifşası
Tarix: 23-04-2021, 08:57 | Çap et
Koronavirus pandemiyasından istifadə edərək külli miqdarda pul qazanmağa çalışan baş həkimlərin həbsi medianın gündəmini zəbt edib.
Baş Prokurorluq rüşvət çetesini belə ifşa edib
Baş prokuror yanında Korrupsiyaya qarşı Mübarizə Baş İdarəsinə daxil olan məlumat əsasında həyata keçirilən əməliyyat-istintaq tədbirləri ilə TƏBİB-in nəzdində olan “Yeni klinika”nın direktoru Abbasov Pərviz Akif oğlunun qurumun digər vəzifəli şəxsləri ilə qabaqcadan əlbir olub koronavirus xəstələrinin özünün rəhbəri olduğu tibb müəssisəsində yerləşdirilməsi müqabilində onların yaxınlarından müxtəlif məbləğlərdə pul vəsaitinin rüşvət qismində yığılaraq sonradan öz aralarında bölünməsinə dair əvvəlcədən ümumi razılaşma əldə etməsinə, həmin razılaşmaya uyğun olaraq öz tanışları olan Hüseynov Əvəz Ənvər oğlu, Mirzəyev Samir Qənaət oğlu və Əliyeva Vüsalə Firidun qızı vasitəsilə ayrı-ayrı koronavirus xəstələrinin “Yeni klinika” tibb müəssisəsində stasionar müalicə alması üçün yerləşdirilməsi müqabilində onların yaxınlarından 3000-3500 manat məbləğində pul vəsaitini alaraq aralarında bölüb şəxsi ehtiyaclarına sərf etməsinə, pul vəsaitlərini aldıqdan sonra verdiyi göstərişlə xəstələrin sözügedən tibb müəssisəsinə qəbul edilməsini təmin etməsinə görə məsuliyyətə cəlb olunub.
Cinayət işi üzrə toplanmış sübutlarla Pərviz Abbasova Cinayət Məcəlləsinin 311.3.1 və 311.3.2-ci maddələri ilə ittiham elan olunub, barəsində məhkəmənin qərarı ilə həbs-qətimkan tədbiri seçilib, onun adları çəkilən köməkçiləri isə həmin məcəllənin 32.5,311.3.1-ci maddələri ilə təqsirləndirilən şəxs qismində cəlb edilməklə, barələrində həbslə bağlı olmayan başqa qətimkan tədbiri seçilib. Yalnız Samir Mirzəyev eyni qanunsuz əməllərin törədilməsinə görə şübhəli şəxs qismində tutulub.
Günün ikinci əsas xəbəri isə Fövqəladə Hallar Nazirliyinin Tibb Mərkəzinin Modul Tipli Hospitalının baş həkiminin həbsi oldu. Belə ki, Baş prokuror yanında Korrupsiyaya qarşı Mübarizə Baş İdarəsinə daxil olan məlumat əsasında həyata keçirilən əməliyyat-istintaq tədbirləri ilə FHN-in Tibb Mərkəzinin Modul Tipli Hospitalının baş həkimi Ağayev İmran Əli Ağa oğlunun qeyri-rəsmi olaraq köməkçiləri olan həmin müəssisənin qeydiyyatçıları Orucov Qulu İlqar oğlu və İmanlı Taleh Mövlamerdi oğlu ilə qabaqcadan əlbir olub koronavirus xəstələrinin rəhbəri olduğu tibb müəssisəsində yerləşdirilməsi, eləcə də müalicə alan xəstələrin daha yüksək səviyyəli tibbi və sair təminatla təchiz edilmələri müqabilində müxtəlif məbləğlərdə pul vəsaitinin rüşvət qismində yığılaraq sonradan öz aralarında bölünməsinə dair əvvəlcədən qarşılıqlı şəkildə ümumi razılıq əldə etməsinə, həmin razılaşmaya uyğun olaraq xəstələrin həmin hospitala salınması, hospitalın “VİP korpus”u hesab edilən 15-ci korpusunda qəbul edilməklə yerləşdirilməsi və digər bu kimi üstünlüklər əldə etmələrinə görə hər xəstədən sonuncular vasitəsilə müxtəlif məbləğlərdə pul vəsaitini rüşvət qismində alıb aralarında bölməsinə əsaslı şübhələr müəyyən edilib.
Həmin faktlarla əlaqədar başlanmış cinayət işi üzrə toplanan sübutlarla İmran Ağayev və Taleh İmanlıya Cinayət Məcəlləsinin 311.3.1-ci (qabaqcadan əlbir olan bir qrup şəxs tərəfindən rüşvət alma) və digər maddələri ilə ittiham elan edilməklə, barələrində məhkəmənin qərarı ilə həbs-qətimkan tədbiri seçilib. Qulu Orucov isə eyni qanunsuz əməllərin törədilməsinə görə şübhəli şəxs qismində tutulub. Hazırda da bu istiqamətində zəruri istintaq-əməliyyat tədbirləri davam etdirilir.
Bundan başqa, Əmək və Əhalinin Sosial Müdafiəsi Nazirliyi yanında Dövlət Tibbi-Sosial Ekspertiza və Reabilitasiya Agentliyinin 7 nömrəli Tibbi Sosial Ekspert Komissiyasının sədri Oruc Məmmədov da bənzər qanunsuz əməllərinə görə həbs edilib.
Pərviz Abbasov 20 mart 1981-ci ildə Şəki şəhərində anadan olub. Orta təhsilini 1987-1997-ci illərdə fərqlənmə attestatı ilə bitirib.
1997-ci il Azərbaycan Tibb Universitetinin Müalicə işi fakültəsinə daxil olub və 2003-cü ildə ali təhsilini fərqlənmə diplomu ilə bitirib. Təhsilini 2005-2008-ci illərdə Azərbaycan Tibb Universitetində, Cərrahi Xəstəliklər Kafedrasında aspirantura və 2012-2014-cü illərdə Türkiyə Cümhuriyyətinin İnönü Universitetində “Fellow doctor” kimi davam etdirib. Bu dövr ərzində Pərviz Abbasov Qaraciyər və böyrək transplantasiyası, piylənmə və metabolik cərrahiyyə sahəsində fəaliyyət göstərib.
2017-2018-ci illərdə “Caspian İnternational Hospital”ın baş həkimi olub. 2019-cu ildən Milli Hematologiya və Transfuziologiya Mərkəzinin Müşahidə Şurasının üzvüdür. 2020-ci ildən İcbari Tibbi Sığorta üzrə Dövlət Agentliyinin Tibbi Xidmətin Təkmilləşdirilməsi və Ölüm Hallarının təhlili komissiyasının sədridir. 2020-ci ildə “Yeni klinika”nin baş direktoru təyin edilib.
İmran Ağayev isə 1998-2003-cü illərdə Tibb Universitetini bitirib. 2003-2006-cı illərdə çənə cərrahı ixtisası üzrə internatura və kliniki ordinatura keçib. 2002-2009-cu illərdə Dövlət Təcili Tibbi Yardım Xidmətində, 2004-2006-cı illərdə Beynəlxalq Qızıl Xaç Komitəsində stomatoloq kimi işləyib.
2009-cu ildən Mərkəzi Gömrük Hospitalında, 2012-ci ildən “MediStyle Dental” klinikasında stomatoloq vəzifəsində işləyib. 2014-cü ildən “MediStyle Hospital”ın baş həkimi olub. 2020-ci ildə Fövqəladə Hallar Nazirliyinin Tibb Mərkəzinin Modul Tipli Hospitalının baş həkimi təyin edilib.
Dövlətin 1 ildən artıq müddətdə koronavirusla mübarizə və vətəndaşların sağlamlığının qorunması istiqamətində gördüyü işləri, tibb işçilərimizin fədakarlığı, həyatı bahasına həyata keçirdiyi xidməti ləkələyən bu hallar cəmiyyətdə ciddi rezonans doğurub.
Mövzu ilə bağlı “Yeni Müsavat”a danışan tibb elmləri doktoru Adil Qeybulla bildirdi ki, əslində uzun müddətdir cəmiyyətdə bu cür söz-söhbətlər gəzirdi: “İkinci dalğa yayılanda biz bunları eşidirdik. Görünür, artıq hüquq-mühafizə orqanlarının əlində kifayət qədər faktlar var. Bu həbslər təsadüfi deyil. Çox güman ki, bunlar böyük bir şəbəkədir. Bu şəbəkə də cəzalandırılmalıdır. Bu, dövlətin pandemiya ilə mübarizə siyasətinə bir xəyanətdir. O insanlara etibar olunub. Onlar isə insanlara kömək etmək əvəzinə yaranmış situasiyadan öz maraqları üçün istifadə ediblər və cəzalarını almalıdırlar”.
A.Qeybulla hesab edir ki, bu məsələ həbslərlə sona çatmayacaq, şəbəkə tamamilə ifşa olunmalıdır: “Bu kimi hallara gələcəkdə yol verməmək üçün biz hər xəstə sayına düşən ambulator xidmətin işini düzgün qurmalıyıq. Çünki xəstəxana istənilən halda məhduddur. Respublika üzrə xəstəxanalarda koronavirus xəstələrinin müalicəsi üçün ayrılmış yerlərin sayı ümumilikdə 40 minə yaxındır. Xəstə sayı bu rəqəmə yaxınlaşanda və ya artıq olanda artıq neqativ hallar baş alıb gedir. Bunun qarşısını almaq üçün yüngül xəstələrin ambulator müalicə sistemi təmin olunmalıdır ki, problemlər yaşanmasın. Yəni xəstəxanaya daha ağır xəstələri götürmək lazımdır. Bu işin təşkilində də yəqin qüsurlar var ki, bu vəziyyət yaranır”.
Milli Məclisin Səhiyyə Komitəsinin üzvü, deputat Məlahət İbrahimqızı da vurğuladı ki, baş verənlər dövlətin bu istiqamətdə həyata keçirdiyi siyasətə kölgə salır: “Azərbaycan 30-dan çox ölkəyə koronavirusla mübarizə ilə bağlı dost əlini uzadıb. Hələ dünyada koronavirus yeni yarananda və ölkəmizdə ilk COVİD-19 xəstəsi qeydə alınmamış cənab Prezident və I vitse-prezident tərəfindən ölkədə bu istiqamətdə bütün hazırlıqlar görülmüşdü, tibb elminə məlum olan nə tibbi avadanlıq və dərmanlar varsa onların ölkəyə gətirilməsi təmin edilmişdi. Məlum olduğu kimi, bunlar kifayət qədər bahalı dərman və avadanlıqlar idi. Paralel olaraq ölkəmiz həm də müharibə aparırdı, torpaqlarımızın azad olunması üçün savaşırdı, bunun özü də kifayət qədər böyük maliyyə tələb edirdi. Ancaq buna baxmayaraq, koronavirusla mübarizə dövlət başçımızın xüsusi diqqətində idi. Onlarla xəstəxana bu istiqamətdə ayrıldı, ölkənin hər yerində laboratoriyalar yaradıldı, yüz minlərlə testlər aparıldı, modul tipli xəstəxanalar təşkil olundu. Bizim ölkəmizdə çarpayı məsələsi, xəstəxanada yer tapılmaması çox az müşahidə olundu. Çindən, Rusiyadan, Kubadan, İtaliyadan, qardaş Türkiyədən həkimlər ölkəmizə dəvət olundu. Xalqın sağlığını qorumaq üçün bütün resurslar səfərbər olundu. İndi dövlətin işinə belə bir ləkə vurulması insanı hiddətləndirir. Dövlətin gördüyü bu möhtəşəm işlərə necə xələl gətirmək olar? İnsanların o çarəsiz vəziyyətində necə korrupsiyaya əl atmaq olar? İnsan son nəfəsində bir Allaha, bir də tibb işçisinə yalvarır. Belə bir məqamda, ölümlə mübarizə apardığı zamanda tibb işçilərimizin belə bir çirkli cinayətə əl atmasını təsəvvür etmək olmur”.
Deputatın sözlərinə görə, bu, təkcə korrupsiya əməli və cinayət deyil, həm də həmin tibb işçilərinin öz andına, öz həmkarlarının fədakarlığına xəyanətdir: “Həm koronavirusla mübarizədə, həm də Vətən savaşında canından keçən, şəhid olan həkimlərimiz oldu. Koronavirusla mübarizədə dünyasını dəyişən həkimlərimiz də şəhiddir. Belə bir fədakarlığa da kölgə saldılar. Bu, hökumətimizin gördüyü işlərə, dövlətimizin səhiyyə sahəsində apardığı uğurlara da kölgə salmaq deməkdir. Hüquq-mühafizə orqanlarımız bu işi çox gözəl bilirlər, yəqin ki, əllərində kifayət qədər faktlar da var. Bir müddət öncə koronaviruslu xəstələrin müalicəsi üçün ayrılan xəstəxanalarda ciddi neqativ halların olması ilə bağlı cəmiyyətdə də söz-söhbət gəzirdi. Dövlətimizin, Prezidentimizin korrupsiya ilə mübarizədəki qətiyyətli mövqeyi bir daha özünü göstərdi. Günahkarların cəzalandırılması hüquq-mühafizə orqanlarının işidir. Mən bir millət vəkili kimi bu durumu çox kəskin qınayıram”. “Yeni Müsavat”
|
|
|
|
|
|
Putin SSRİ-ni bərpa edə biləcəkmi?
|
|
|
|
|
|
|
|
|
• "İki gün əvvəl görüşmüşdük, hər şey qaydasında idi'
Bu gün, 01:00 |
|
|
|
• Suraxanıda hələ də QOÇULUQ zəmanəsidir - İTTİHAM VAR...
Bu gün, 00:54 |
|
|
|
• Lerikin icra başçısı İTTİHAM OLUNUR - CƏZALANACAQMI?
Bu gün, 00:47 |
|
|
|
• Moskvanın Cənubi Qafqazda son şansı: Rusiya nəyi hədəfləyir? - “Kreml bölgədə qalmaq üçün son güllələrini atır”
Bu gün, 00:35 |
|
|
|
• “Qarabağ klanı” üçün “türk təhlükəsi” və ya canilərin qorxuları - GƏLİŞMƏ
Bu gün, 00:32 |
|
|
|
• Azərbaycanda səhmdar cəmiyyət - MTK-ya ÇEVRİLİR
Bu gün, 00:05 |
|
|
|
• “Azinşaat Servis” ASC səhmdarlarının - TOPLANTISI KEÇİRİLƏCƏK
Bu gün, 00:02 |
|
|
|
• "Məktəblərdə kişi müəllim yoxdur, acınacaqlı vəziyyətdir" - ETİRAZ
Dünən, 23:53 |
|
|
|
• “35-40 faizlə kredit verilməsi biabırçılıqdır” - HƏQİQƏTƏN DƏ...
Dünən, 23:51 |
|
|
|
• Çörəyin qiyməti artmayacaq, yeni çeşiddə məhsul istehsal ediləcək - DİQQƏT
Dünən, 23:40 |
|
|
|
• "Avroviziya" təmsilçimizin adı bu tarixdə açıqlanacaq
Dünən, 21:33 |
|
|
|
• Rusiya ilə Ermənistan arasında da razılıq əldə olunacaq... - Zəngəzurla bağlı...
Dünən, 21:31 |
|
|
|
• Rusiyada azərbaycanlılara qarşı növbəti əməliyyat - VİDEO
Dünən, 21:28 |
|
|
|
• Zaurla Əminə Şirin arasında gərginlik: Efirdən getdi - "Məni cücə-mücə ilə səhv salırsınız..."
Dünən, 20:18 |
|
|
|
• Azərbaycanda çörək bahalaşdı - TƏSDİQLƏNDİ
Dünən, 20:14 |
|
|
|
• Bakı Qərbi də, Rusiyanı da Qafqazdan sıxışdırır - DOĞRU OLANI DA BUDUR
Dünən, 20:11 |
|
|
|
• Moskvadan gəırginliyi artıran addımlar: - “Rusiya tərəfi anlamalıdır ki...”
Dünən, 19:00 |
|
|
|
• Xərclər artıb, ərzağa getdikcə daha çox vəsait sərf olunur - BELƏ DAVAM EDƏRSƏ...
Dünən, 18:58 |
|
|
|
• Misir, İordaniya və BƏƏ Zəngəzur dəhliziylə bağlı neqativ düşüncədə deyil - Daha bir erməni yalanı
Dünən, 18:21 |
|
|
|
• "Paylaşımı silmək üçün 10 min istədi" - Tibb bacısı Nazim Quliyevin üzünə durdu
Dünən, 18:17 |
|
|
|
• Azərbaycanda 2 yeni radio açılır
Dünən, 18:13 |
|
|
|
• Azərbaycanda qızıl heç vaxt bu qədər baha olmayıb – Son rəqəmlər
Dünən, 18:06 |
|
|
|
• Azərbaucanda uşaqlar sosial şəbəkələrdən necə qorunmalıdır? - Bahəddin Həzi yazır...
Dünən, 18:05 |
|
|
|
• FHN universitetdə yoxlamalar apardı - Rektora cərimə yazıldı
Dünən, 18:00 |
|
|
|
• " Gürcüstanın AŞPA-da iştirakı seçim deyil, öhdəlikdir" - Russopoulos
Dünən, 17:58 |
|
|
|
• AMB daha 2 banka sığorta agenti fəaliyyəti üçün lisenziya verib
Dünən, 17:54 |
|
|
|
• Vətəndaşların şikayət etdiyi məhkəmə əməkdaşı işdən çıxarılıb - TƏFƏRRÜAT
Dünən, 17:41 |
|
|
|
• Veysəloğlu Şirkətlər Qrupu və “OBA” marketlər şəbəkəsi ilin ən yaxşıları seçilib - FOTO
Dünən, 17:40 |
|
|
|
• Paşinyandan sülh hiyləsi: Toqquşma anonsu - KİV
Dünən, 17:38 |
|
|
|
• "Roşka" yenidən HƏBS EDİLDİ
Dünən, 17:36 |
|
|
|
• Şahin Bağırov onu kurasiya edən generalın oğluna rütbə verib - İLGİNC FAKT
Dünən, 17:32 |
|
|
|
• Ailəsi Lalə Şövkətin son durumunu AÇIQLADI
Dünən, 17:29 |
|
|
|
• İrəvan xanlığı yaranacaq – Tarasovdan sensasion sözlər
Dünən, 17:23 |
|
|
|
• İrəvan Aİİ-dən çıxsa... – Rusiya xəbərdarlıq etdi
Dünən, 17:19 |
|
|
|
• Azərbaycanda müavinsiz işləyən icra başçıları - ARAŞDIRMA
Dünən, 17:16 |
|
|
|
• Şabranda şəhidin adı veriləcək məktəbdə həmin şəhidin anası xadimə işləyir - BU NƏDİ BELƏ?..
Dünən, 17:08 |
|
|
|
• "2 fevral - Azərbaycan Gəncləri Günü”nə həsr olunmuş tədbir keçirildi - FOTO
Dünən, 17:02 |
|
|
|
• İnsult keçirən Xalq artisti Fatma Mahmudova palataya köçürülüb, səhhəti yaxşılaşıb
Dünən, 16:58 |
|
|
|
• Penitensiar Xidmətə işə düzəldəcəkdi, həbs edildi - DETALLAR
Dünən, 16:55 |
|
|
|
• Paşinyan cəmiyyətini qınadı - qavramada problem var
Dünən, 16:51 |
|
|
|
• Ermənistanın üzərindən olmasa... Paşinyanın üzərindən QATARLA KEÇƏCƏYİK... - BAŞQA YOLU YOXDUR...
Dünən, 16:47 |
|
|
|
• “Bu, Ermənistan üçün fəlakətdir” - Geqamyan
Dünən, 16:45 |
|
|
|
• "Onların Ermənistanda cəmlənməsi toqquşmaya aparan yoldur, gec-tez bu, baş verəcək"
Dünən, 16:44 |
|
|
|
• PROBLEMLİ KREDİTLƏR... - Problem əslində DÖVLƏTİNDİR!
Dünən, 16:39 |
|
|
|
• İcra başçısının sabiq birinci müavininə yeni vəzifə verildi - ƏMR
Dünən, 16:38 |
|
|
|
• Ağır qəzaya düşən Ayla Şiriyevanın SON DURUMU
Dünən, 16:35 |
|
|
|
• "Vasif Talıbov universiteti zorla əlimdən alıb oğlunun adına keçirdi..." - Keçmiş rektor
Dünən, 16:32 |
|
|
|
• Tarixi və real Ermənistan arasındakı fərqin qavranılmasında ziddiyyətlər var - Paşinyan
Dünən, 16:25 |
|
|
|
• Ukrayna "Lukoyl"un Volqoqraddakı zavoduna da ağır zərbə vurdu...
Dünən, 16:09 |
|
|
|
• Tanınmış müğənni həmkarlarına SATAŞDI: - “Mərcə girərəm, mikrofonu qoyub…”
Dünən, 16:06 |
|
|
|
|